Entama agora'l turnu del nuestru compañeru Xuan Gonzalo, a propuesta del grupu Convocatoria por Asturies IX - MP - IAS 🔴📹 acortar.link/olcB7J - ThreadSky

exunta.bsky.social • 23 days ago

Entama agora'l turnu del nuestru compañeru Xuan Gonzalo, a propuesta del grupu Convocatoria por Asturies IX - MP - IAS
🔴📹 https://acortar.link/olcB7J

Comments

exunta.bsky.social•23 days ago

"Ye necesario algamar l’alcuerdu pa iguar esa discriminación que carecen les comunidaes de falantes d’asturianu y gallego-asturianu en comparanza con otres comunidaes llingüístiques del Estáu".

exunta.bsky.social•23 days ago

"Namás puen quedar fuera los qu’apuesten pol esterminiu llingüísticu, pol desaniciu d’una parte importante de la cultura asturiana. Nun hai sida que valga nin son posibles posiciones equidistantes: oficialidá o llingüicidiu. Caún de los diputaos y diputaes va tener que decidir de qué llau tán."

exunta.bsky.social•23 days ago

"La propuesta d’artículu que se presenta coincide cuasi al 100 % cola que propunxo públicamente va siete años la @exunta.bsky.social. Sicasí, al nuestru entender tien aspectos meyorables, que son precisamente les modificaciones que los proponentes fixeron a la nuestra redacción."

exunta.bsky.social•23 days ago

"El primeru ye la denominación de les llingües: nel estatutu teníen que s’usar les d’asturianu y gallego-asturianu. Son les denominaciones que veníen usándose y que teníen más trayectoria tanto na terminoloxía filolóxica como nel ámbitu de la llexislación"

exunta.bsky.social•23 days ago

"Tamién yeren les denominaciones qu’usaba l’Alministración autonómica y qu’usa la lliteratura llingüística en diccionarios, normes ortográfiques y gramátiques. Y, pa rematar, son denominaciones homologables a les que tienen otres llingües peninsulares oficiales"

exunta.bsky.social•23 days ago

"Denominaciones como bable, fala o eonaviegu nun tienen esi bagaxe nin tampoco esi prestixu. Nel casu concretu del gallego-asturianu, ye inaceptable que s’elimine d’un día pa otru esta denominación pa la llingua más occidental d’Asturies cuando ye la que se vieno usando nestes trés últimes décades."

Comments

Posting Rules

Reply