1/37
EDELMIRA
Acababa de cumplir los noventa, casi ochenta d´ellos nuna soledá fecha de piedres. La casa, l´horru y la corte yeren los amigos que siempre taben ellí. Fiu de Firmo, el d'El Molín, y fiu de Lucía de Manolo, que morrieron al despeñase col carru monte embaxo.
El neñu que tovía nun
EDELMIRA
Acababa de cumplir los noventa, casi ochenta d´ellos nuna soledá fecha de piedres. La casa, l´horru y la corte yeren los amigos que siempre taben ellí. Fiu de Firmo, el d'El Molín, y fiu de Lucía de Manolo, que morrieron al despeñase col carru monte embaxo.
El neñu que tovía nun
Comments
falaba nin una palabra quedó al cargu del tiu güelu, un paisanu que vivía no más llonxe del pueblu, per onde nun pasaba naide.
Guelín, como lo llamaba Xepe, apartose de la xente cuando tenía trece años. Los que conocíen esa historia taben muertos, y el sobrín nunca-y preguntó.
Nun tuvo más remediu que ser padre cuando´l cuerpu sólo pensaba na tierra onde descansar pa siempre, parecía que tuviese una deuda con Firmo que solo se pudiera pagar salvando a aquel rapacín.Fizo tolo que pudo, deprendio-y a curiar al ganáu, a semar maíz y a reteyar.
Cuntaba-y cuentos cada nueche coles mesmes frases que-y dicía so bisagüela, y cantaba cola voz ronca cancios de princeses secuestraes polos moros. Pero les rimes que más-y prestaben al criu yeren estes que el vieyu entonaba nes tardes de seronda:
Camina pronto mio hermanu
mañanina fría
polos praos del mundu enteru
mañanina fría
Y cuando llegues a casa
mañanina fría
Pon los finxos del to llar
Mañanina fría
L´home que se fizo al monte espurrió so vida hasta que los güesos nun lo sostuvieron más. Namás-y faltaron siete dies pa llegar al sieglu. Xepe quedó solu,nun tenía fechos
once años pero sabía más del mundu que´l marineru con más galernes al llombu. Tomó´l determín de fundar ellí mesmu un imperiu, de reinar na aquella llende sin xente.
Edelmira yera la meyor especialista en llingua asturiana, yera a recitar de memoría toles palabres y les definiciones del
Diccionariu Xeneral de l´Academia. Podía dicir casi sin zarramicar la etimoloxía de cualquier vocablu. Nun había topónimo mayor nin menor que nun pudiera desplicar. Tenía los estantes de casa llenos de llibros científicos,de revistes temátiques, de grabaciones recoyíes nos pueblos más perdidos