llopeasturies.bsky.social - Profile | ThreadSky | a Reddit-style client for Bluesky

Sumaremos más díes d'iviernu a la nuestra colección de fracasos. Asina la xelada la nieve el vientu que sopla fríu quedarán clasificaos nún orde natural. Y tres los cristales conservaos en formol tendremos a la vista la cabeza el tórax y l'abdomen d'aquello que yéramos. Llope

submitted 3 days ago • 0 comments

Tengo l'alma como arrabiu n'estáu líquidu un alma ingrienta y dúctil qu'arroya a borbotones hasta la boca del abismu. Tovía desconozo si sedré materia escuro o tal vez aceru rellumando na interseición del día a la nueche. Llope

submitted 3 days ago • 0 comments

Tengo l'alma como arrabiu n'estáu líquidu un alma ingrienta y dúctil qu'arroya a borbotones hasta la boca del abismu. Tovía desconozo si sedré materia escuro o tal vez aceru rellumando na interseición del día a la nueche. Llope

submitted 3 days ago • 0 comments

L'efeutu de la tristura retales de lluvia abriéndose camín ente les lluces. Pero dame mil veces lluvia porque nel marxe namás hai escuridá. Llope

submitted 5 days ago • 0 comments

Paciendo al atapecer nos cantiles de Santa María del Mar. #Asturies #Castrillón

submitted 5 days ago • 0 comments

L'efeutu de la tristura retales de lluvia abriéndose camín ente les lluces. Pero dame mil veces lluvia porque nel marxe namás hai escuridá. Llope

submitted 5 days ago • 0 comments

Faló-y tan baxo que sólo él pudo sentila. Fundaron un dominiu llinguísticu con banderes como abrazos y fronteres de piel. Llegó un tiempu que nin palabra fizo falta porque madre y fiu quedaron ataos a un puntu final. Llope Foto d'Ilo Frey

submitted 6 days ago • 0 comments

Del mio poemariu "Trabayos de campu" drive.google.com/file/d/1apUl...

submitted 10 days ago • 0 comments

1/4 Pa dexar de sentir el dolor del mundu hai que tomar distancia porque cuando t'eches a la llarga sobre'l suelu llega l'aliendu de los enfermos y los temblores de la fiebre. Si te upes un metru per enriba ya nun notes el tactu a gritos y entames a tener una visión distinta.

submitted 10 days ago • 1 comment

Declina'l sol sobre'l to exe d'abscises les nubes eleven una confesión: Queremos nueche y vientu solmenando los árboles y lluvia que caiga pela piel y que'l orde del mundu s'esvaneza nún besu profundu. Llope

submitted 16 days ago • 0 comments

Dímonos cuenta de qu'esti órganu muscular güecu de paredes grueses como muries nes que crez yedra color sangre d'espíritu húmedu y contráctil nun repetía siempre la mesma cantinela. Esti corazón caligrama tien el determín d'inventar una vida entera y única. Llope

submitted 14 days ago • 0 comments

Escribir esti llibru foi como llimpiar la mio historia familiar, poner en palabres aquello que me dexaron n'herencia. Un imperiu, lo grande bastante pa resumir quién soi. drive.google.com/file/d/1p5sU...

submitted 13 days ago • 0 comments

Dímonos cuenta de qu'esti órganu muscular güecu de paredes grueses como muries nes que crez yedra color sangre d'espíritu húmedu y contráctil nun repetía siempre la mesma cantinela. Esti corazón caligrama tien el determín d'inventar una vida entera y única. Llope

submitted 14 days ago • 0 comments

Mui recomendable "Los anticipos de la muerte" de @llopeasturies.bsky.social, un poemariu con un aire a "Longa noite de pedra" de Celso Emilio. Pa min, destaca sobre manera el poema 216, qu'empieza asina, brutal: "Nun hai verdá más grande que les ruines d'una casa".

submitted 14 days ago • 2 comments

Declina'l sol sobre'l to exe d'abscises les nubes eleven una confesión: Queremos nueche y vientu solmenando los árboles y lluvia que caiga pela piel y que'l orde del mundu s'esvaneza nún besu profundu. Llope

submitted 16 days ago • 0 comments

Cualquier idea ye respetable, honorable, evocadora, si tien detrás a un acorazáu de color gris que resplandez al sol del mediudía.

submitted 18 days ago • 0 comments

(1/2) L'azul metálicu de les plumes de la pega brilla al sol d'abril. Entra y escapa del ñeru esfera de la cúpula de cañes d'artu de la constelación atrapada na bedul. Reconoz esti páxaru atmósfera qué soi quién soi sabe tamién qué faigo equí. Hai nalgún llugar del mio iris

submitted 19 days ago • 1 comment

1/2 Sé que analices mios palabres y les sometes a un procesamientu de llinguaxe natural. Sé que gargaches ente los arumes de sol que declina pel horizonte que deduces pola mio forma de suañar si soi más mar o menos sombra.

submitted 19 days ago • 1 comment

Faime muncha ilusión que @guieldu.eu me invitara a busca-y un títulu al so primer álbum. Tengo ganes d'escuchar el "Memories de Deva", que cola producción que lleva detrás va entamar un camín nuevu nel folk d'Asturies. Muncho éxitu ¡ Rath i bhfad ¡

submitted 20 days ago • 0 comments

El primer discu de Guieldu va llamase "Memories de Deva" títulu propuestu por nuesu amigu y poeta @llopeasturies.bsky.social

submitted 20 days ago • 0 comments

Dura la vida l'andar d'una gota d'agua pel felechu como llágrimes vestíes de verde mirando'l so destín de tierra de fueyes marrón escuru de pedazos de caña con forma de cruz. Dura la vida el brazu de lluz del atapecer que vien a morrer sobre los pinos. Dura la vida. Llope

submitted 20 days ago • 0 comments

1/2 Seguramente va llover esti día nel cristal de la ventana pincelaes d'agua fresca. Va soplar el vientu con componente norte - eso diz la predicción - árboles cruxendo como los güesos d'un animal nel so febreru definitivu. Van crecer los ríos

submitted 20 days ago • 1 comment

Nun duldo de la mio unicidá como ser humanu lo difícil ye demostrala escribiendo un poema. Llope

submitted 21 days ago • 0 comments

En Tazones, versos de mar.

submitted 22 days ago • 0 comments

Esta puerta azul ye un puerta marea cuando s'entorna una pleamar de goncios cuando toca cola parede interior una baxamar qu'echa en falta al quiciu. Sólo hai una opción: embarcar con destín a lo más fondo de la casa. Dir adientro hasta descubrir la verdá. Llope Foto fecha'n Tazones

submitted 22 days ago • 0 comments

1/3 Escribí hasta que quedó de mi namás el tarucu. Al principiu corté col llabiegu los riegos como un llibru abiertu nel que semar sustantivos. Biltaron sombres y tamién caricia del frutu d'un molín y sentí'l l'esnalar de los páxaros azules.

submitted 22 days ago • 1 comment

1/2 Atapecer de fierro ingriento en Salinas fundiremos los nuestros cuerpos nesta fragua en pleamar. Y cuando anocheza y los llabios nun seyan más que migachines de sable y cuando la nueche arrample col día y el deséu forme parte de les molécules d'escáncana

submitted 24 days ago • 1 comment

1/37 EDELMIRA Acababa de cumplir los noventa, casi ochenta d´ellos nuna soledá fecha de piedres. La casa, l´horru y la corte yeren los amigos que siempre taben ellí. Fiu de Firmo, el d'El Molín, y fiu de Lucía de Manolo, que morrieron al despeñase col carru monte embaxo. El neñu que tovía nun

submitted 28 days ago • 1 comment

1/2 Cubre l'ausencia de lluz l'habitación entera un iviernu pavorosu pica colos nudiellos na última barrera que me salva del fundimientu. Prendo un candil antiguu. El fumu xube hasta'l techu y un instante de mayu espanta les sombres. Detiense la lluvia.

submitted 26 days ago • 1 comment

Saciame de tos llabios d'estrella y la to blusa blanca menguante que s'esparrama pela to espalda de ribera. La nueche impresa nes agües del Regueiru Royanes. Llope Foto d'Alexander Krivitskiy

submitted 27 days ago • 0 comments