1/3
Escribí hasta que quedó de mi
namás el tarucu.
Al principiu
corté col llabiegu los riegos
como un llibru abiertu nel que semar sustantivos.
Biltaron sombres
y tamién caricia del frutu d'un molín
y sentí'l l'esnalar de los páxaros azules.
Escribí hasta que quedó de mi
namás el tarucu.
Al principiu
corté col llabiegu los riegos
como un llibru abiertu nel que semar sustantivos.
Biltaron sombres
y tamién caricia del frutu d'un molín
y sentí'l l'esnalar de los páxaros azules.
Comments
Sobre los versos de setiembre
alcontré mios barbes brillando al sol
y entós abanguéme
y toque tierra.
Unes manes con regueros profundos
desnudaron mio piel de fueya
mios verbos
mios lluces
y asina quedo'l cuerpu como un fuegu amariellu.
Depués grana a grana
estruñándome baxo movimientos circulares
fuí anticipu de farina
premonición de lluvia y lletra.
Equí me tenéis na pila de tarucos
lo poco qu'aguanta del mio espíritu de maíz.
Pero ye bastante
somos cada un la palabra
d'un párrafu qu'alcanza hasta'l fin de la vega.
Llope