1/4
Pa dexar de sentir el dolor del mundu
hai que tomar distancia
porque
cuando t'eches a la llarga sobre'l suelu
llega l'aliendu de los enfermos
y los temblores de la fiebre.
Si te upes un metru per enriba
ya nun notes el tactu a gritos
y entames a tener una visión distinta.
Pa dexar de sentir el dolor del mundu
hai que tomar distancia
porque
cuando t'eches a la llarga sobre'l suelu
llega l'aliendu de los enfermos
y los temblores de la fiebre.
Si te upes un metru per enriba
ya nun notes el tactu a gritos
y entames a tener una visión distinta.
Comments
Namás con esguilar diez metros de nada
cambia totalmente la to perspectiva
porque ye inaudible la sombra de los muertos.
A los cien metros los humanos
son como abeyes carretando néctar
hasta'l caxellu más prósimu.
Al imponente altor de los mil metros
ves les evidencies de la lluz artificial
y con suerte caminos que nun dan a nengún
cementeriu.
La vista a los diez mil ye guapísima
un océanu color vena
un cordal blancu güesu
un silenciu de fotografía.
Y dende equí n'alantre
ya puedes dir xubiendo de kilómetros
en kilómetros
al llugar onde la tierra
primero seya una bola de carne
depués un güeyu enteabiertu
más tarde una migachina de piel.
Pa dexar de sentir el dolor del mundu
nun queda más remediu
que contravinir la llei de la gravedá.
Llope